男人之苦 Men In Pain
06/03/07《男人之苦》開鏡拜神
［蘋果日報］吳卓羲買Toby怕
梁靖琪（Toby）及吳卓羲合作拍攝新劇《男人之苦》期間傳不和，昨日二人齊出席《男》劇拜神儀式，Toby踢爆男方曾因病要中斷拍攝，更表示：「出o黎做o野梗要俾人蝦。」吳卓羲則反擊說：「佢係高層（梁家樹）個女，邊個敢鬧佢？我仲想繼續撈o架！」
承認有NG
吳卓羲與Toby一向新聞多多，早前有雜誌報道指兩人傳緋聞，之後再傳出不和消息，更有指吳卓羲在拍攝《男》劇時與工作人員以粗口打油詩暗寸Toby頻吃NG，阻礙其他人準時收工。昨日Toby表示不相信有關報道，並說：「全組人都好斯文，冇人講粗口。」談到有指她頻吃NG，Toby承認有NG，但情況不算嚴重，更反指吳卓羲曾因病令全組人被迫停工，她說：「NG就一定有，但係唔多囉，反而吳卓羲就試過一次返到o黎病到頂唔順要走。」
預o左俾人蝦
問Toby可有向父親兼無線高層梁家樹投訴被人欺負？她說：「媽咪話俾人r係預o左，出o黎做o野梗要俾人蝦。」吳卓羲受訪時亦否認曾以粗口罵Toby，他說：「佢係高層個女，邊個敢鬧佢？我仲想繼續撈o架！」
娛樂最前線
