［成報］劉松仁勸林峯量力而為

無綫劇集《摘星之旅》一班演員昨日到商場宣傳，劉松仁、葉童、呂有慧、梁靖琪（Toby）、梁政珏及楊秀惠等人均有出席，眾人分成兩隊炮製愛心早餐給松哥品嘗，最後松哥揀選劇中飾演他老婆的葉童所弄的早餐最好吃。

劇中兩位主角林峯和黃宗澤因病缺席，令宣傳頓失重心，松哥笑言劇集一向都是靠他，說︰「可能佢哋攰得滯，一次過發晒出嚟，好似阿峯咁多工作，又要經常返內地做宣傳，真係要量力而為，體質每個人都不同，不能一概而論。」

［太陽報］Bosco林峯同病相憐周身痛

林峯及黃宗澤（Bosco）主演的無綫劇《摘星之旅》昨日假荃灣廣場宣傳，但林峯頸椎移位，Bosco拍攝新劇《女拳》時則背脊受傷，雙雙缺席，要由劉松仁和葉童等支撐大局。Bosco在電話中說：「連拍兩日打戲，背心戲服墊唔到Pad，痛到瞓唔到，啲骨冇事，係肌肉傷，但唔想拖慢拍攝，睇完醫生返咗去開工。」他在微博表示左手痛得無法用力，但日內還要拍新節目宣傳片，自嘲是「一隻跛手的大熊貓」！而《女拳》演員吳卓羲亦在微博上載右手綁滿繃帶的照片：「不知道為甚麼又受傷了，大家放心，應該係小事，謝謝關心。」

至於劉松仁說：「可能阿峯同Bosco疲勞得滯，又拍劇又宣傳都幾走糴。（滿意收視？）唔滿意！台前幕後落足心機，希望最後兩周劇味濃啲會升番！」梁靖琪則說：「我有份拍《花花世界花家姐》，要睇晏啲阿峯身體點，先知星期一通告係咪取消。阿峯攰咗好耐，之前已經話『Chok』親條頸，佢應該抖吓啦！」同場的梁政珏、楊秀惠及張嘉兒異口同聲回應樣貌與出道時有出入，純粹是化妝效果，否認曾經整容。

［東方日報］黃宗澤吳卓羲同變傷兵

無綫繼小生王林峯因頸椎移位要入院休養，昨日黃宗澤（Bosco）、吳卓羲（Ron）相繼加入傷兵行列，兩人拍攝新劇《女拳》時先後受傷，連同之前撞斷手指筋的黃德斌，無綫小生可謂多災多難。

林峯前日拍攝新劇《花花世界花家姐》時，因為肩頸劇痛入院檢查後發現頸椎移位，結果昨日缺席新劇《摘星之旅》的宣傳活動，同劇的Bosco亦因傷缺席，要由劉松仁、葉童、楊秀惠、林嘉華等孭飛谷劇。

黃德斌撞斷手指筋

Bosco昨日在電話中表示在《女拳》已連拍兩日打戲：「因為戲服係背心墊唔到pad，收工後痛到我瞓唔到，尋日頂唔住去咗睇醫生，好彩佢話我啲骨冇事，只係傷咗肌肉。」為免拖慢拍攝進度，睇完醫生他即刻開工。他在微博留言說左手痛得不能發力，稍後還要為節目拍攝宣傳片，並自嘲是「一隻跛手的大熊貓」！

而有份參演《女》劇的Ron，昨日將一張右手包紮繃帶的照片放上微博，並留言說：「不知道為甚麼又受傷了，大家放心，應該係小事，謝謝關心！」連同日前拍打戲撞斷手指筋的黃德斌，《女拳》已先後添了三名傷兵。

林嘉華被撞爆上唇

林嘉華在《摘》劇宣傳活動中說：「我拍《女拳》都畀一碌大竹竿撞爆上唇，套劇好多真打，好多人都傷，如果我生得矮，嗰碌竹就唔係撞爆我口唇，而係插眼。」而楊秀惠幾日前亦因腸胃炎入院。同場的劉松仁叮囑林峯等人要注意身體：「可能佢哋疲勞得滯，又拍劇又返內地宣傳，都幾走糴，不過每個人體質唔同，要自己衡量，注意健康。」他不滿意《摘》劇的收視，希望最後兩周劇味濃厚，令收視上升。

與林峯一起拍《花》劇的梁靖琪則說：「原本聽日（即今日）有通告，依家要睇阿峯身體點至決定係咪取消。佢曾經話choke親條頸，佢都攰咗好耐，之前佢做完演唱會第二日就即刻開劇，都應該抖吓，或者食番多啲好嘢補身。」

tidus0812@Youtube

東張西望

娛樂新聞報道