經一事、長一智，因醉酒駕駛被罰停牌的葉童，反而令她重新走入人群，擴闊了視野，不再孤立自己，可謂獲益良多。

葉童這幾個月來「沒車揸的日子」過得很過癮：「幾好玩吖，好多年冇坐過公共交通工具，已經遺忘嗰種感覺，睇番好多以前睇唔到嘅嘢。」演員需要有想像力，葉童乘港鐵時總將之盡情發揮：「個女仔着短褲背心，呢度咁多男人，會唔會有罪案發生呢？男人話因對方而犯錯係啱喎，女仔貪靚貪涼快唔覺意對異性做成大誘惑，呢啲情景令我喺生活上有好多新角度。」

葉童醒覺演員需要走入人群，接觸社會：「原來有時我會怕人而逃避，不經意孤立咗自己，今次令我唔係只生活喺自己嘅象牙塔裏面中，係一件好事。」

讚劉松仁撐大局

在新劇《摘星之旅》中，葉童跟劉松仁演一對，拍攝過後她曾批評一男演員不准對手改對白，定要跟足劇本，矛頭直指松哥，葉童笑說：「唔係佢，相反松哥好鍾意改劇本，哈哈哈！但佢改唔係只為自己係為整部劇，我脾氣受軟唔受硬，但的確令個戲加分，慢慢接受，漸漸有佢喺度變成有佢支撐大局。」

原來當年葉童第一次到台灣拍劇就跟松哥合作，她大讚松哥肯幫新人，是個願與人分享的好導師。

［明報］葉童隻眼開隻眼閉 丈夫夜蒲解悶

葉童與劉松仁拍攝《摘星之旅》是非不斷，有傳葉童投訴劉松仁改劇本又霸道，她又爭取在海報佔中間位置。葉童昨日接受商台訪問時解畫：「我要對松哥講不好意思，這是誤會。我們四度合作，大家早有默契，怎會有衝突？早前我提到，有男藝人不准我改劇本，所指的並非劉松仁。」她嫌跟飾演丈夫的劉松仁未夠Close，兩人私底下「幽會」，撐枱腳討論劇本，以增加親密感覺。