［東方日報］Laughing哥回歸好帶挈

憑「Laughing哥」一角爆紅的謝天華，接拍新劇再演這個角色，雖未知坊間反應如何，但昨日試造型時，天華已成為焦點，被劉松仁及眾演員開玩笑，指有天華帶挈才有機會拍此劇。

昨日新劇《潛行狙擊》試造型，只見天華再演「Laughing」，各演員如劉松仁、黃宗澤（Bosco）、陳法拉及徐子珊等介紹自己角色時，身為前輩的劉松仁不禁笑言：「我離開咗無綫成年，好榮幸今次返嚟Laughing帶挈我拍呢套劇。」此言一出眾人大笑，他們更有樣學樣在介紹角色前，先多謝天華帶挈，令他尷尬非常！

法拉諗計騎住

天華表示他所飾演的「Laughing」以警察身份再現，更會與飾演其上司的法拉發生感情，法拉笑言會諗計食住他。期間，天華表示有好消息要宣布，問他是否老婆有喜？他謂：「唔係，係《魚躍在花見》結局網上點擊率有180萬。」其後當記者告訴他結局收視平均34點、最高38點時，他非常興奮，問他是否請劇組食飯？他笑言：「有大食大，張智霖演唱會爆晒，兩場都過千萬啦！不過開心事，一齊請都冇所謂！」

宗澤子珊床戰

而Bosco飾演跛腳的社團中人，更與徐子珊發生感情，他笑言：「我會對佢又愛又恨，據聞好多床上戲添！（好冤呀！）係呀好冤，但又成日搞吓嘢咁囉！」問到Bosco會否怕女友胡杏兒呷醋？他說：「唔會，拍戲！我同子珊都唔會尷尬，我都冇當過佢係女仔，我哋仲諗埋錫時會狂野啲，扯頭髮嗰種！」另外，廣管局在過去一星期接獲兩宗投訴，指《魚》劇中提到食藍鰭吞拿魚的部分是破壞大自然及教壞小朋友。
文：影視組

娛樂新聞報道