［東方報］劉松仁被車撞笑騎騎

無綫劇集《歲月風雲》前晚在中環拍攝一場劉松仁被車撞倒碌落樓梯戲，同場宣萱、馬德鐘及林峯亦有份拍攝。宣萱自爆踏入豬年同父母打麻雀，一家輸三家，笑言賭場失意，寄望情場得意，但現時要開工，連追求者也未有。

宣萱透露農曆新年休息四日，陪父母打麻雀，但就輸了一千元，她笑說：「賭場失意，希望情場得意，但要開工，邊有追求者。（有冇買桃花催旺姻緣？）幾年前有買，仲試過偷桃花，但都冇著落，自己唔太信呢啲習俗；今年開工都?咗好多利是，都有啲唔好意思。（咁有冇畀父母催婚？）冇，我老竇好開通，仲話搵唔唔好嫁。」而馬德鐘就同老婆、囝囝一齊過年，至於劉松仁新正頭拍攝被車撞戲份，笑笑口說百無禁忌。

三哥逢人派利是

另苗僑偉（三哥）跟鄧萃雯前日亦在一豪宅示範單位開工，三哥笑言：「新正頭第一日開工就睇豪宅，認真好意頭。」三哥即場向雯女、梁靖琪等人大派利是。三哥透露：「喺無綫《問題娛樂圈》贏咗八萬元，初一到劉德華家中拜年玩『射龍門』又贏幾千元，贏咗錢當然要請班同事食嘢，今年見人就派利是，派咗六位數字利是，黃宗澤都有嚟我家拜年，一個人嚟啫……佢啲緋聞等佢自己搞，我教佢呢啲嘢要似是而非先好玩，藝人要有緋聞先紅！」

雯女就話今年難得可以同家人食團年飯，初一又有同阿媽拜年，了不少利是。問到家人有否催派利是，雯女謂：「冇喎，知催我唔到。」

［太陽報］情場賭場皆失意 宣萱恨愛自爆偷桃花

俗語有云「情場失意、賭場得意」，唯獨宣萱例外，剛踏入豬年即打牌輸錢，加上愛情食白果，成為「雙失」之人。

宣萱、劉松仁、馬德鐘和林㶴前晚拍攝無㵟新劇《歲月風雲》，宣萱自爆新春期間與家人打麻雀，一家輸三家，輸掉千多元。問到是否賭場失意、情場得意？她說：「依家開緊工冇人追。（有冇買桃花旺?姻緣？）前幾年試過買，花都試過去偷，不過都唔靈。」問到家人是否催婚？她即擰頭否認，並指他們十分開通。而當晚劇情講述劉松仁被車撞倒碌落樓梯，雖然是替身上陣，但在新正頭拍攝撞車戲，認真「唔老黎」！

雯女做番正常人

此外，苗僑偉、梁靖琪和鄧萃雯年初五亦「啟巿」為《歲》劇開工，對於新年可以放假，三人均表示高興，雯女說：「終於可以做番個正常人，做足晒多年冇做簕過年習俗，例如食團年飯、初一同阿媽拜年，又可以同大班舊朋友團聚、拜年同?利是。」