利瑪竇 Matteo Ricci
19/04/20［東方日報］保住金漆招牌 王梓軒獲劉松仁讚入魔
由王梓軒、陳潔儀（Kit）主演，劉松仁一手策劃兼導演及創作的音樂劇《利瑪竇》開鑼，在總綵排上，所有演員全副武裝「踩台」。首次黐鬚上陣的梓軒即「利瑪竇」上身，並能講及唱出意大利文歌，令劉松仁激讚：「好正！佢已經入咗魔！佢做得好好，唔使做到特別好已經夠睇，真係好睇！」
今次梓軒在音樂劇中，擔任非常重要的角色，為了不想影響到劉松仁的「金漆招牌」，他為今次演出秘密練兵，除了花4個月時間進行密集式排練外，他更學拉二胡及進修意大利文，壓力甚大：「綵排時，技術上係出咗啲問題，不過，大家都好一條心，就算有啲乜嘢出咗事，我哋都會一齊去補位。」Kit話：「雖然技術上問題嗰一刻係會覺得『唔係呀嘛！』，但更加有鼓勵性，我哋冇受技術問題影響，深信有幾大嘅問題都會克服到！」
