［星島日報］陳玉蓮堅拒與劉松仁親熱

昨日劉松仁與陳玉蓮在商場為《盜亦有道》劇集拍外景，雖然蓮妹14年沒有拍過劇，但松哥指她已進入狀態，不單演技沒有生疏，而NG情況亦不算嚴重。說到蓮妹講明不拍親熱戲，松哥笑笑口說：「有辦法令她拍，如果劇本有需要，相信是有商量的。」

蓮妹對於松哥指她拍親熱戲有商量餘地，蓮妹笑笑口說：「我沒有職業道德，不是一個好演員，出來Hea、混吉的。（是否叫松哥死心？）又無咁講，唔需要死咁條心，在親熱戲方面我比較堅持。好多時是人家定下規矩，有部分人跌落陷阱，誤以為要附合10條規矩才是好演員。其實每個演員有他的方式，為甚麼要跟着人家的規矩去行，我有我的思想及想法。」文、圖：余潤娟

［東方日報］劉松仁氹咀 陳玉蓮Say No

陳玉蓮復出拍劇講明有「三不拍」，其中包括不拍親熱戲，與她合作的劉松仁大讚蓮妹演技無生疏之餘，還相信若有需要可游說對方拍親熱鏡頭，不過蓮妹斷言無得傾，笑 著承認自己不是個好演員。

蓮妹昨日與松哥、戲中老公鄭子誠及何綺雲在奧海城拍《盜亦有道》外景，期間松哥大讚蓮妹雖然十四年沒有拍劇，但仍在狀態中：「初時都以為佢會生疏，但佢冇，ＮＧ都唔算多，可能佢準備充足，十四年冇拍戲 嘅情緒積埋一齊。」對於蓮妹之前講明不拍接吻戲、不拍親熱戲、不拍談情說愛戲，松哥聞言笑笑說：「如果有需要，我有辦法令佢會拍嘅，相信佢有得商量，其實我自己都有三不拍，冇錢、冇時間、冇好製作都唔拍。」

自認冇演員道德

而蓮妹昨日仍然聲音沙啞開工，對於松哥相信她有商量或接受拍親熱戲，蓮妹笑言：「我冇乜職業道德㗎，冇得傾，我唔係一個好演員，我只係出嚟Hea，出嚟混吉㗎咋。」蓮妹不認為演員做到別人所訂下的規條才是好演員：「每個演員有佢嘅方法、想法，唔係人哋話啱就啱，我學緊諗嘢方式，唔係跟人哋嘅規矩行，要睇清楚咩係真實，唔應該畀人規限死。（咁松哥咪要死咗條心？）咁又唔使死，係呢樣堅決啲啫。」